مـسـك العـتـيـبـي صوت بنت الـهيـلا
nuwaraelia
نوراليا
كان لنا حجز فيها بس شسمه زي اللي قبله راح علينا :/ مرتين حاولنا نعدل فيه بس ماش عيا .. المهم .. طلعنا من الفندق الصبح لهالمدينه .. وعفشنا وكلش بكاندي .. بس عن قولة رحنا لها
الطريق ساعتين .. ومعوق زي العادة .. وطريقها جبلي .. وترى حنا يوم وصلنا عتبة نوراليا ديورنا لكاندي ..
المدينه عاليه .. وباااااارده ..
طريقها من أروع الطرق اللي مرت علي .. من ناحية الطبيعة .. والشلالات اللي كل بين متر و متر تطلع لك .. الجو الخوراافي 
وفيه مناظر قهر راحت علي ماصورتها لان فيه ناس يحجزون الدريشه قبل بأسبوع 
مزارع الشاهي /
مصنع الشاهي /
يخنبقون عليك بالانجليزي لطريقه صنع الشاهي وكذا .. عاد والله ياعي صعبببه يعني يجلسون سنييين يزرعون .. واخرتها مايستفيدون الا من طرف النبته !
المهم شرهتكم على اللي مركز ع الشرح ولّا ع اللي يفهم اصلا
دخلت هنا وطلبت شاهي .. خن نجرب شاهيهم اللي من المصنع
اقول للي تبيع بكم ! وتقعد تخربط ! عاد انا ادربي راسي ماهنا لغه .. اخر شي قلت اقول جيبي الشاهي بس ..
المهم صار كلامها كله بتفهمني انه ببلاش وانهم يعطون السياح منه وكذا يعني عن قولة ذواقه
حتى اهلي طالبين مويه منهم .. يوم خلصوا وجو بيدفعون الحساب قالوا انه ببلاش ! ناس غريبه
المهم الرخيص مخيس .. أحس الشاهي عاقد لين قال بس .. ماجاز لي
طريق الرجعة لكاندي ..
النهر اللي يمشي حكايه لحاله 
Negombo
نيقمبو
Club dolphin
2 days
بعد ماطلعنا من كاندي جينا هالديره .. تبعد عن كاندي ثلاث ساعات .. وعن العاصمة كولمبو تقريباً ساعة ..
حجزنا فيها هنا كان متأخر .. ولّا مانوينا نجيها أصلاً .. لكن صارت بدال نوارليا اللي خرب حجزنا فيها ..
بس والله حلوه ويكفي انها ع البحر .. وحتى الغرفة ع البحر ع طول
ناس متقوزين
مير هالفندق كل دقيقه طالعه وحده بفستان عرسها
،
هذي الغرفتين اللي حجزناها .. مع فطور .. وهالمره خذنا عشا معه
جلستنا العائلية
النوم هنا فلّه .. بس مع الهدوووء و أصوات الأمواج 
,
حلى العشا ..
الأناناس في سيرلانكا طعمه خرااااااااافي
المسبح ماينشاف أوله من تاليه !!
ناس مروقه
Colombo
كولمبوا
cinnamon grand
2 days
هذا الفندق اللي كان حجزنا عليه أول ماوصلنا وتكنسل .. حصل لنا مره ثانيه الحمد لله 
جازوا لي
حتى هذولي يجوزون لي
عاد هالفندق شفت فيه بنات من منتداي 
الله يجمعنا في اخرته مثل ماجمعنا في الدنيا
هالأشياء أحسهم حاطينها لأشكالنا اذا جينا نسوي فيها الرياضيين ووخروا عنّا 
غرفة الألعاب ..
فيها بلياردو كبر بيتنا 
غرفة الألعاب بطططله .. بس مشكلتهم يعيون نخلي البزارين لحالهم .. مع ان اللي معي عجز ماشاء الله 
أخوي والشسمها بنت الناس
،
حديقة الحيوان في كولمبوا .. أنواع الفشل .. بايخه وحر وكتمه و زحمه وحسافه الريال عليها .. يمدحون الحديقة اللي في الملز ترى
أجل حنا ندخل بحدود الـ 60 ريال للواحد 
ايه صح ناسيه .. مدَق النجر اللي عندنا في السعودية من ذهب
جبت لكم كم صورة لها .. للحيوانات اللي فيها .. ولّا لو أصورها هي طاح سوقها
Return to Saudi Arabia
كُنت مسافرةً ..
إتصلت بي وسألتني متى العودة ؟
قلت : الليلة بمشيئة الله .
قالت : سوف انتظرك و ...
قاطعتها لا لا حبيبتي لا تنتظريني
فالطريق طويل ولا أعلم متى أصل ؟!
تنهدت بـ عمق ثم قالت :
لو كنتِ مكاني ماذا ستفعلين ؟ََ!
صمتّ قليلاً ثم همست لها بولهٍ كبييير
إنتظريني =)
في نهاية التقرير ..
الصراحة ولو اني مصوره فوق الألف صورة لسيرلانكا ! لكن مااحس اني عطيتها حقها
فيه أماكن ظلمتها بتصويري !
كان ودي تطلع بشكل أحلى .. وباحترافية أكثر .. جد تحسفت يوم رجعت .. ودي ارجع هناك مره ثانيه عشان أصور
عموماً .. ان شاء الله التقرير عجبكم .. وان شاء الله تستفيدون منه بسفرتكم لها .. وأنصح الكل يسافر لها .. خصوصا اللي ماعنده مبزره .. خبركم هالمبزره مايبون الا ملاهي وأسواق !
كل الصور اللي بالموضوع أو بفلكري .. ملك للجميع .. يعني اني محلله كل من يبي يستخدمها لأي شي .. بس عاد موب تفلونها وتحطون اساميكم ع انكم انتم اللي مصورينها
في النهاية .. يشرفني مروركم على ..
