From: al-wanees00
أنـا يابحر ماجيتك فضى ولمشاهدك شفقان..
أنـا جيتك أبنسى الياس وبعض هم ٍ يباريني
على جالك انا جالس أسامر موجك الغضبان..
أسولفله عن اوجاعي عناي وغربة سنيني
علامك يابحر ساكت علامك ؟ تصرخ بكتمان..
انا جيتك أبشكيلك وابي منك تواسينـــي
أنا مثلك بحر لكن وسط نفسي انا غرقان...
تعبت ابحر مع نفسي وأسألها انا وينـــــي؟؟
أنـا محتار في وضعي ومع نفسي انا حيران..
أنا لاقادر افهمـها وهي تجهل مضامينـي
أنـا مليت من حزني تعبت ابحث عن السلوان..
ولاظنيت به شي ٍ عن احزاني يسليني
أحس ان الحزن عالم وبحور وصحره ووديان..
وتخيل يابحر حجمـه اذا كله سكن فيني
وتصور لو شقى الدنيا تجمع في كيان انسان..
وتصدق مابقى بالكون اســى مابات في عيني
ترى كل الحزن لو غاب وراح لأخر الاوطان...
يغيب ويرتحل لحظات ويرجع يستقر فيني
أنـا اخر فصول الحزن وانا لدروبه العنوان..
وانا اخر عزوفاته واصواته تغنيــــــني
أنا والليــــــل والغـــربه تـعانقنـا مثل اخوان..
لليلي كل اهــاتي وللغــربه عناوينــي
تعبت أسقي ثرى احلامي وازرع بالوهم بستان..
تعبت ولانبت زرعي وتعب جفت بساتيني
جحدني حظي الحاثر رماني بعالم الحرمان..
جحدني ولاقدر مره على الفرحه يرسينــي
ألا يابحر جاوب ؟ وش اخر هذي الاحزان ؟..
وش أخر رحلــة اوجاعي وعناي وغربة سنيني
 Ẅаη€€S а£-Ẅаη€€S | |
--
حب لاخيك ماتحب لنفسك
You received this message because you are subscribed to the Google
Groups "net2us" group.
To post to this group, send email to net2us@googlegroups.com
Subscribe to net2us
http://groups.google.ca/group/net2us/boxsubscribe or
send email to
net2us+subscribe@googlegroups.com
To unsubscribe from this group, send email to
net2us+unsubscribe@googlegroups.com
For more options, visit this group at
http://groups.google.com/group/net2us?hl=ar
